Сабый бүлмәсендә кем сөйләшкән?

Яшь гаилә пары баланы йокларга салгач, үзләре күрше бүлмәгә бик күңелле фильм карарга чыгып киткән. Әмма бераздан бүлмәдән шым гына сөйләшү тавышлары ишетелгән. Борчылган әти-әни сабыйларының бүлмәсенә кемдер кергән дә, болар шулай сөйләшә икән дип уйлаган. Әмма булып чыкмаган.

Әти белән әни кәрәзле телефон аша сабый бүлмәсендә видео-трансляцияне кабызган. Күргәннәреннән шаккатканнар!

Кристина белән Майкл гаиләсендә элек-электән, нәнәй-картәтиләрдән калган гадәт булган – йокы алдыннан бергәләшеп дога укыганнар. Бу әти-әни бәләкәй кызларын да дога кылырга өйрәткән. Һәр кичне сабый бүлмәсенә җыелганнар да барлык туганнарның, әби-бабайларының исәнлегенә дога укыр булганнар.

Ә бу кичне традицияне саклап тормаганнар – кызыклы фильм башлана дип күрше бүлмәдәге телевизор алдына ашыкканнар. Ике яшьлек Саттон – сабыйның исеме шулай – әти-әнисен көткән-көткән дә, тегеләр күренмәгәч, доганы берүзе укырга булган. Ачык итеп, зурлар өйрәткәнчә, барлык сүзләрне дөрес итеп дога кылган, әби-бабайларына, әти-әнисенә исәнлекләр теләгән. Аннары кычкырып “аминь” дип куйган, одеялын ябынып ятып, күзләрен йомган...

Майкл белән Кристинага шок хәлендә калганнар. Фильм турында онытытп, бер-берсенә карашканнар: баксаң, аларның кызлары гаилә ритуалына бик җитди карый икән. Гаилә пары бу видеоны үзләренең социаль челтәрдәге битләренә куйган. Аны 2 миллионнан күбрәк кеше караган.