Модельләр конкурсына кемнәр бара?

19 июньнән 22 июньгә кадәр Казахстанда төрки халыклар арасында "MODEL CUP'25"I Халыкара модельләр конкурсы уза.

Модель агентлыгы җитәкчесе Луиза Закирьянова сүзләренә караганда, Башкортстанны төрле яшь категорияләрендәге сигез модель тәкъдим итәчәк. Уфа модельләре ГУП БХП  «Агыйдел» коллекцияләрен күрсәтәчәк.

Чара Каспий диңгезе ярындагы зур сәхнәдә узачак. Актау шәһәре Төркия, Кыргызстан, Үзбәкстан, Азәрбайҗан, Тыва, Татарстан һәм Башкортстан республикаларыннан модельләр җыя. Модельләр милли костюмнарда дефиле, фотога төшерү этабы һәм модель дефиле кебек этапларда ярышачак.