Көләргәме, еларгамы?...

Пифагор теоремасының кирәге чыкмаган тагын бер көн азагына якынлашты.

**

Эх, Брежнев үзенең кашларының кызлар арасында нинди популяр буласын белми үлде шул...

**

Төрмә камерасында ике тоткын сөйләшә:

-Сине нәрсә өчен утырттылар?

-Куянны атып үтердем.

-Шуның өчен төрмәгә ябалармы?

-Кондуктор булып эшләсәң ябалар.

**

Галимнәр чүлдә бер ташбака тапканнар. Тикшергәч, аның 300 ел чамасы яшәгәне ачыкланган. Әгәр галимнәр табып алмаса, ташбака тагын да озаграк яшәр иде...

**

-Хәзер бөтен нәрсә дә түләүле! Бушка шул бер һава гына калды бугай инде.

-Алай дип ышанып әйтмәс идем. Гади шар 10 сум тора, кабартылганы -15 сум.

**

Бер әби кышны шәһәрдәге баласында үткәреп кайткан да, ахирәтенә: “И-и, җаныкаем, бер гаепләрем дә юк килеш төрмәдә утырып кайттым бит әле”, - дип сөйли ди...