“Каз алып китегез!"

Базар шаулый. Бүген халык бирегә күпләп килгән.

Нәрсә генә сатмыйлар монда! Сатучылар да сатып алучылар да артыгы белән, бүген җаның теләгән бөтен нәрсәне табып, сатып алып буладыр кебек...

Әнә, кош-корт сата торган почмакта, баядан бирле каз сатучы үзе яныннан үтүчеләргә ихлас елмаеп: “Каз алып китегез, каз алып китегез!” – дип кычкыра. Бу сүз еш кабатланып, икенче мәгънә алган кебек – шуңа да, күп кеше сатучы кырыннан узганда ирексездән елмая. Ә каз сатучы һаман: “Каз алып китегез, каз алып китегез!” – дип, чын күңеленнән кычкырыуын белә.

Миләүшә Әхмәтҗанова-Усманова