Эч катканчы бер көлик!

Сәер, әмма факт! Ашамлыкка хаклар аларның ашказанда эшкәртелү тизлегенә караганда да тизрәк арта.

**

-Сылуым, сезнең гәүдә авырлыгыгыз күпме? беренче ике санын булса да әйтегез инде.

**

Ходаем, көч һәм сабырлык бир! Һәм “на всякий случай” бераз акча...

**

-Эшкә нигә соңга калдың?

-Иртән торганда башымны мендәр почмагына бәреп, ушымны югалтканмын...

**

Ирләр аның сүзенә колак сала торган бердәрбер хатын-кыз навигаторда утыра.

**

Реклама: “Безнең памперслар 30 литрга кадәр сеңдерә ала”. Баланың асты коры калачак, әмма ул урыннан кузгала алмаячак.

**

Бүген банкта кредит бирмәделәр. Анкеталарына караганда, алар акчаны болай да акчасы күпләргә генә бирәләр.

**

Барыбызда эш аты инде без... Тик арада җайдаклар да очраштыргалый.

**

Медицина яхшы ул бездә, авырулар гына начар...

**

- Анда җитәкчеләр  бер сәгатьтән артык нәрсә сөйләшәләр икән?

-Эш сәгатен бушка уздырмау турында.