Оныклы әбидән лайфхак

Балалар ипотека түлибез дип, отпуск алмый эшләделәр. Бер яшьлек малайларын мин карадым. Җәй бакчада эш муеннан. Шуңа өстәп, тиктормас оныкны да карарга кирәк. Җаен таптым: утау утаганда якынга гына җәймә җәеп утыртам да, кулларына бал сылап куям. Аннары берәр кош мамыгы тоттырам. Бер кулыннан тартып ала – икенчесенә ябышып кала. Бер түтәлне утап чыкканчы урыннан да кузгалмый.