«Кимсетелгәннәр» Төркиядә басылып чыккан

Билгеле башкорт язучысы Зәйнәп Биишеваның «Яктыга» трилогиясенең беренче романы Төркиядә басылып чыккан һәм Евразия язучылар берләшмәсе (Avrasya Yazarlar Birliği) тарафыннан укучыларга тәкъдим ителгән.

Романның тәрҗемәчесе – филология фәннәре докторы Фатма Эртюрк бу романны яшьрәк чакта укыганнарга мотлак кабат укып чыгарга тәкъдим итә, чөнки тормыш тәҗрибәсе туплаганнан соң әсәр бөтенләй башкача кабул ителә.

 «Зәйнәп Биишева – башкорт хатын-кызлары әдәбиятында аерым урын биләгән шәхес. Көчле текст,  гади тел аның әсәрләрен аңлаешлы итә. Төрек телендә нәшер ителгән «Кимсетелгәннәр» романы – хезмәттәшләребез белән«Яктыга» трилогиясен тәрҗемә итүнең беренче этабы. Зәйнәп Биишева ХХ гасыр башындагы вакыйгалар хронологиясендә башкорт авылының тормышын, төп герой Җимешне сурәтләп, җәмгыятнең, кешеләрнең ничек үзгәрүен, үсешен чагылдыра алган», — ди Фатма ханым.