Кеше көлгәндә миңа да төрт!

–Әни, чынлап та балаларны ләкләк алып киләмени?

–Әйе, улым.

–Ә Яңа елда бүләкләрне Кыш бабай бирәме?

–Әйе, улым.

–Аңламыйм, ә әтине без нигә тотабыз алайса?

**

–Сөеклем, табиб миңа сәяхәт итәргә кушты. Кая барабыз?

–Икенче табибка.

**

Мин эшкә барырга яратам, эштән кайтырга да яратам. Тик менә шул бару белән бару арасындагы 8 сәгать кенә ачуга тия!

**

Ике ахирәт сөйләшә.

–Сания, сиңа күптән кияүгә чыгарга кирәк.

–Кирәк тә бит. Ә мин һаман синең Гамилеңне уйлыйм...

–Минем Гамилемне???

–Әйе, Алла сакласын, шундый ир эләгер!

**

Бүген Галинең өч баласы туган. Балаларының әниләре барысы да үзләрен яхшы хис итә.

**

Ире:

–Тозын артык салгансың бит!

Хатыны:

–Яратамдыр инде сине...

Ире:

–Ни дәрәҗәдә яратырга кирәк инде мине тортны тозлар өчен?..

**

Безнең эштә катгый дресс-код. Бер генә очракта эшкә джинсыда килергә була – әгәр син отпуск алган булсаң.

**

Хатын-кыз ир-атлар өчен генә табышмак бит ул. Ә бер-берсен алар үтәли күрәләр!