Елмаеп яшик!

–Мин ике егет белән берьюлы очрашам. Тик кайсын сайларга белмим.

–Йөрәгең нәрсә ди соң?

–Ирең белсә, бәреп үтерә, ди.

**

Малай балалар бакчасыннан уенчык машина күтәреп кайта.

Әтисе:

-Кайдан алдың?

-Мансур бирде.

-Ә синең аңа нәрсә бирдең?

-Күз төбенә.

**

Эш телефонына “безлимит” тарифы куелган сакчының барлык туганнары да аның эш графигын үзеннән дә яхшырак белә.

**

Карт яһүдне бөер авыруы белән дәваханәгә салалар. Шәфкать туташы аңа бер тәүлек бәвелен җыяр өчен 3 литрлы банка бирә. Тәүлек үтүгә палатага кергәч:

–Шуннан? Җыя алдыгызмы?

–Җыйган идем дә соң, бетте инде...

–Ничек бетте?

–Күрше бинада хәрби хезмәткә чакыру пункты бит. Призывниклар сатып алып бетерде...

**

–Хәерле кич. Бүген “Аек водитель” операциясе үткәрелә.

–О, бик яхшы. Барыгыз аекларны туктатыгыз. Минем аларга кысылышым юк.

**

Ипотекага сатылган яңа күпкатлы йорт чүплегендә соңгы күгәрчен ачтан үлгән...

**

-Ни өчен урамда битлек киеп йөриләр?

-Вирус аларны танымас дип өметләнәләр.

**

Романтика еллап түгел, көнләп югала. Ир-егетләр матур, озын хатлар язуны онытты, дуэльләрдә атышмыйлар, чәчәк бүләк итәр өчен балконнарга менмиләр... Бер көн килер – фотога лайк та куймый башларлар инде...

**

–“Артык кеше” кем була ул?

-Мәҗлестә эчми утырган, өстәвенә машина да йөртә белмәгән кеше.

**

–Хезмәт баскычыннан йөксез, җиңелчә генә менәргә кирәк.

–Хатынсыз һәм балаларсызмыни?

–Оятсыз һәм намуссыз.