-4 °С
Кар
Барлык яңалыклар
Әдәбият
2 февраль 2018, 12:53
Сарык бәрәне (Телефоннан сөйләшү)
– Хәмидәме?– Хәмидә.– Исәнме?– Нихәл?– Карале, Хәмидә, сездә сарык бәрәне юкмы ул?– Нинди сарык бәрәне?– Нинди дип... Бәрән инде... Унике-унөч килолы.– Нәрсәгә ул?– Суярга кирәк иде...– Сарык ярамыймы?
– Юк шул. Бәрәне кирәк.
– Бәрәне юк.
– Кемнәрдә бар икән, белмисеңме?
– Бер дә белмим шул. Кәҗәләргә шалтыратып карале. Алар күп асрый сарыкны.
– Шалтыраттым. Сатлык юк диләр.
– Айгырларда ничек икән?
– Аларныкын каладан кайтып алып өлгергәннәр.
– Кемнәрдә булыр икән тагын? Мәчеләрдән сорап карасаң инде.
– Юк, балалардан артмый диләр.
– Кара син ә... Сасы көзәннәрдә дә була торганые.
– Үзебез дә куяннардан сатып алдык диләр.
– Һе... Крисләрдә юк инде. Әбәҗияннарда да юк. Кемдә булыр икән? Әвчәркәләр дә быел калдырмадылар. Бүреләрдә булырга тиеш.
– Шалтыраттым. Көлә, бүредә сарык торамыни, ашап бетердек ди.
– Икесенә бер көтү сарык ашаганнармы?
– (Көлеп) Ашаганнардыр. Бүре сарык ярата бит.
– Һи-и, чынлап сөйләшә дип торам. Көлеп сөйләшә икән әле.
– Юк, Хәмидә, валлаһи, чынлап сөйләшәм. Чыннан да, бәрән кирәк. Шашлык ясамакчы идек. Бүре әйткәч, сезгә шалтыраткан идем. Сарыкларда була инде сарык бәрәне ди.
– Һи, заразы. Бүре башы белән кешедән көлеп ята. Син дә көлеп шалтыратасыңдыр әле. Сарык дисәләр дә аңгыра түгел ич без. Сау бул, Поши малае.
Читайте нас:
©1991-2024 "Өмет" гәзите Барлык хокуклар да якланган. Материалларны күчереп бастырганда, я аларны өлешләтә кулланганда "Өмет" гәзитенә сылтанма ясау мәҗбүри
Баш мөхәррир: Рәдис Гыйльван улы Ногманов
Телефон
8 (347) 273-94-38
Электрон почта
Адресы
450079, Республика Башкортостан, г. Уфа, ул. 50-летия Октября, 13, Дом печати, 9 этаж
Реклама хезмәте
8 (347) 273-64-81
Кабул итү бүлмәсе
8 (347) 273-94-56