Ышанычлы мөнәсәбәтләр бәйли

VI Ялта халыкара икътисади форумы кысаларында Башкортстан Республикасы Хөкүмәте Премьер-министры вазыйфаларын башкаручы Андрей Назаров Вьетнам Социалистик Республикасының Екатеринбург шәһәрендәге Генераль консуллыгы делегациясе белән очрашты.

Андрей Назаров билгеләп үткәнчә, Вьетнамны Россия һәм Башкортстан белән күптәнге дустанә һәм ышанычлы партнерлык мөнәсәбәтләре бәйли. Башкортстан Республикасы Хөкүмәте һәм Бария-Вунгтау Вьетнам провинциясе Халык комитеты арасында сәүдә-икътисади, фәнни-техник һәм гуманитар өлкәләрдә хезмәттәшлек турында килешү гамәлдә.

Федераль таможня хезмәте мәгълүматлары буенча, 2024 елның гыйнвар-сентябрь айларында Башкортстан Республикасының Вьетнам Социалистик Республикасы белән тышкы сәүдә әйләнеше 2,3 млн.доллар тәшкил иткән.

Вьетнам Республикасының Екатеринбургтагы Генераль консулы Нгуен Май Хыонг форумга чакырулары өчен рәхмәт белдерде, катнашучыларның югары дәрәҗәдә оештырылуын һәм эшлекле активлыгын билгеләп үтте.

-Бүгенге көндә Башкортстанда 2000 меңнән артык вьетнамлы яши, укый һәм эшли. Алар өчен сезнең республика икенче ватаныгызга әверелде, ватандашларыбызга ярдәм иткәнегез өчен рәхмәт белдерәбез, төбәктә яшәү өчен, шул исәптән бизнес алып бару өчен дә уңайлы шартлар тудырылган. 2025 елда без Уфада Вьетнам көннәрен уздырырга планлаштырабыз һәм сезнең ярдәмгә өметләнәбез, – дип билгеләде Нгуен Май Хыонг.