Чын шагыйрә белән очраштылар

Люция Әблиева кемдә кунакта булды?

Уфаның 4 санлы мәктәбендә Татарстан Язучылар берлеге әгъзасы шагыйрә Люция Әблиева  кунакта булды.

Очрашуны  Русия Федерациясенең атказанган укытучысы Лилия Каримова оештырды.

Шагыйрә балаларны үзенең иҗаты белән мавыктыргыч итеп таныштырды. Аның "Ташбака - уңган апа" китабындагы шигырьләрен укыганда балалар төрле образларга керделәр. Кызыклы уеннар, җыр-биюләр чараны җанландырды. Шагыйрә балаларның дикъкатьле итеп шигырьләр тыңлауларын, актив булуларын ассызыклап, рәхмәтен белдерде.

Бәйрәм  "Туган тел" җыры белән тәмамланды.