Дөнья бөтенләй башка ул!

Ул Русия рәссамнар берлеге әгъзасы, бөтенрусия республика һәм төбәк күргәзмәләрендә, симпозиумнарда катнашкан билгеле кеше.

“Үземне белгәннән бирле сурәт ясарга ярата идем”,– ди. Ул вакытта альбом, ак кәгазь бите дә исәпле була. Язылган дәфтәр-ләрнең чиста почмакларында үзенең сурәтләрен ясарга мәҗбүр була ул. Мәктәптә ул стена гәзите эшен алып бара.

“Рәсем ясау сәләте нәселдән килә”, – ди Рәмил абый. Карт-әтисе Әгъзам бабай балта остасы була. Сораган кешеләргә шкафлар, сандыклар ясаган. Ә әнисе Рәйхан апа чиккән, ят чәчәкләр белән паласлар суккан. Бер-берсенә охшамаган, төрле-төрле күз явын алган төсләр белән матурлык тудырган ул. Ходай берәүгә биргәч бирә бит сәләтне. Рәмил абый яшьтән үк гармунда уйный. Ул үзен киләчәктә музыкант итеп хис итә. Кон-цертлар куеп, клубта кемнәрне генә биетмәгән дә, җырлатмаган.

1975 елда ул Гайниямак урта мәктәбен уңышлы тәмамлый. Егет кешенең төп бурычы армия сафларында хезмәт итү. Яхшы хезмәте өчен “Чик сакчысы отличнигы” күкрәк билгесе белән бүләкләнгән. 1977 елны ул Уфа рәсем сәнгате мәктәбенә укырга керә. Укытучысы Рәшит Солтан улы Хәбировта сабак ала. Арытаба югары уку йортында белемен камилләштерә.

Безнең авылдаш –танылган пейзаж ясау остасы. Кыш, көз, җәй, язгы матурлыгын якты чагу төсләр белән чагылдыра. Башкортстанның гына түгел, Себер, Ырынбур якларының табигатен дә ул үзенчәлекле итеп сурәтли. Аның каләме Салават Юлаев батырын, халык шагыйре Мостай Кәрим, чәчән Мифта-хетдин Акмулла, рәссам Әхмәт Лотфуллинны да искә алмый калмый.

Аның туган йортын, әти-әнисен, апа-абыйларын, күрше күлән-нәрен, яраткан укытучыларын матур картиналарында күрергә мөмкин. Рәмил Зәрәгать улы рәссам гына түгел, ул яхшы, тырыш, җитез ир-егет тә. Игътибарлы әти дә ул. Хатыны Альбина апа белән бер-берсен хөрмәт итеп, аңлашып бик матур яшиләр. Авылда табигатьнең иң матур, иң гүзәл урынында матур итеп зур өй салдылар. Бер яктан тау буе, икенче яктан Ызанлы елгасы ага, искиткеч гүзәл урын. Ә дәрестә ул безгә сурәт ясау серләрен җентекләп аңлата, буяу, пумалалар бар, кирәк-яраклар белән безне тәэмин итәләр. Дүрт ай эчендә без бик яхшы нәтиҗәләргә ирештек. Эшебезгә карата бәһалар да чыгарылды.

Күптән түгел генә Уфада узган “Башкортстанның яраткан рәс-самнары” кичәсендә Рәмил Миһранов БР Мәдәният министр-лыгының Мактау грамотасы белән бүләкләнде.