Бакалы яугире өйләнгән

Бакалыда «Алабай» позывнойлы махсус хәрби операция яугире белән сөйгәненең никахын теркәү тантанасы булды.

Мөнәсәбәтләрен рәсмиләштерү тантанасы бик тыныч узды. Анда хәрбинең якыннары килгән иде.

«Ватанны саклаучылар гаиләләренә ярдәм итү — безнең һичшиксез өстенлегебез. Җәмгыятьнең шундый ныклы ячейкаларын булдыру илебезнең нигезен ныгыта», — дип язалар Бакалы районының «Наше время» яшьләр үзәгенең «ВКонтакте» социаль челтәрендәге рәсми сәхифәсендә.

Яңа туган гаиләгә ихлас күңелдән иң изге теләкләр телибез. Гомерегез булсын бәхетле, бәхетегез булсын гомерле!