Яу кырына автомашиналар җибәргәннәр

Яңавыл районыннан МХО зонасына чираттагы гумконвой җибәрделәр. Йөк составында — «ВАЗ 2110», «Урал», маскировка челтәрләре, окоп шәмнәре һәм башка кирәкле әйберләр, дип хәбәр итте район башлыгы Салават Гыйльмиев.

«Нефтьчеләрнең, шулай ук башка хезмәт оешмалары, администрациянең йөкләрен комплектлауда ярдәме бәяләп бетергесез. Йөкне махсус операция зонасына „Дизель“ позывнойлы хәрбиебез һәм аның иптәше „Габбас“ алып киттеләр. Алар бу ярдәмне хәзер алгы сызыкта булганнарга тапшырачак. Без яклаучыларыбызга ярдәм итү өчен кулдан килгәннең барысын да эшләвебезне дәвам итәбез», — дип билгеләп үтте муниципалитет башлыгы.

«Башинформ» буенча Юлай НИЗАЕВ әзерләде.