"Буян" ялга туган ягына кайткан

Укытучылар һәм мәктәп хезмәткәрләре аңа үзләре әзерләгән маскировка челтәрләрен алып килгән.

Шушы көннәрдә Баймак районы Темәс авылының батыры булган "Буян" позывнойлы махсус хәрби операция яугире кыска вакытлы отпускыга кайткан.

Темәс ирекмәннәре, урындагы мәктәпнең педагогик һәм техник коллективы "Буян"ны ялдан яу кырына озату йоласын үткәргән. Хезмәт коллективында эшләүчеләр үзләре үргән маскировка җайланмасын тапшырганнар аңа. Һәркем батыр "Буян"га изгелекле теләкләр, хәерле юл һәм, иң мөһиме, тизрәк имин-сау кайтуын теләгән. Әйтергә кирәк, "Буян"ны авылында гаиләсе көтә.

Җиңү яулап кайтуыгызга ышанабыз, кыю йөрәкле вә каһарман рухлы геройларыбыз!