ТАРИХ БҮГЕН ЯЗЫЛА

Батырлык елъязмасы: СВО турында язма мирас Башкортстанның Милли архивында сакланачак.

Тарих бүген языла. Башкортстанда якташларыбызның батырлыклары турындагы бер генә факт та югалмаячак. Бүген, 5 майда, республиканың эре дәүләт медиахолдинглары – «Башкортостан» теле-радио комитеты, «Башинформ» мәгълүмат агентлыгы, «Республика Башкортстан» МЙ җитәкчеләре һәм Башкортстанның Милли архивы директоры СВО белән бәйле материалларны мәңгелек саклауга тапшыру турында килешүләрне тенркәделәр.

Бу бюрократик процедура гына түгел, ә тарихи дөреслекне теркәү буенча масштаблы эш. Башкортстан башлыгы Радий Хәбиров йөкләмәсен үтәү кысаларында ведомстволар Башкортстанда туганнарның сугышчан юлы һәм батырлыклары турында материаллар җыюны һәм архивка туплауны оештыра.

Республика матбугат һәм вакытлы матбугат чыганаклары агентлыгы җитәкчесе Максим Ульчев сүзләренчә, СВО зонасында даими рәвештә Башкортстанның 40ка якын хәрби хәбәрче эшли. Аларның репортажлары, интервьюлары һәм эксклюзив кадрлары вакыйгаларның документаль хроникасы өчен нигез булачак. Милли архив белән килешүләргә кул кую тантанасында

чыгыш ясаганда, республиканың матбугат һәм массакүләм мәгълүмат чаралары агентлыгы җитәкчесе урынбасары Марат Газизов совет чорында Матбугат көне билгеләп үтелгән 5 май көненең символик булуын ассызыклады. Ул искәрткәнчә, Башкортстан Русиянең хәрби корреспондентлар статусы турындагы канунны кабул иткән беренче төбәге булды.

“Башкортстан Республикасы" Нәшрият йорты акционерлар җәмгыяте директоры Зөлфия Рәхмәтуллина киләчәк буыннар өчен махсус хәрби операция турында журналистларның медиаматериалларын тапшыруның аеруча әһәмиятле булуын ассызыклады, ә «Башинформ» мәгълүмат агентлыгы җитәкчесе Равил Зарипов билгеләп үткәнчә, мондый эш агымдагы журналист эшен тулы тарихи документка әйләндерә.

Сүз уңаеннан, архивта сугышчан хроника гына түгел, ә фронтка ярдәм итүче балалардан алып 90 яшьлек әбиләргә кадәр булган масштаблы халык ярдәме дәлилләре дә булачак.