«Яңа заман өчен көчле идеяләр»

Форумда катнашыгыз!

Шул исемдәге форумга СВОда катнашучыларга да, аларның гаиләләренә ярдәм итү буенча тәкъдимнәр кабул ителә. Быел идеяләр биш юнәлеш буенча кабул ителә, әмма СВОда катнашучылар һәм аларның гаилә әгъзалары өчен проектларга аерым игътибар бирелә. Милли социаль инициатива номинациясендә шул ук исемдәге аерым тема бар. Моннан тыш, милли технологик инициатива кысаларында хәрбиләр түбәндәге трекларга үз идеяләрен бирә алалар: армия ихтыяҗлары өчен әзер гражданлык технологияләрен куллану, СВОда кирәкле белемнәргә һәм күнекмәләргә гражданлык белгечләрен өйрәтү, Кораллы Көчләргә гражданлык технологияләрен ничек тизрәк һәм җиңелрәк кертә алалар, дроннарны яңача куллану, фронт территориясен энергия белән тәэмин итү буенча идеяләр.

"Һәр юнәлеш – ул кешеләрнең тормышын үзгәртәчәк, икътисадны ныгытачак һәм ил өчен тотрыклы киләчәк булдырачак идеяләр тәкъдим итү мөмкинлеге", - диде АСИ башлыгы Светлана Чупшева.

Оештыручылар үз тәкъдимнәрен 15 майга кадәр идея.росконгресс.рф крауд-платформасында бирергә чакыра. Кулланучыга юнәлешне сайларга һәм гаризаны тутырырга кирәк. Анда проблемалы вәзгыятьне, идеянең үзен һәм аның җитлеккәнлеген (ул теләсә кайсы дәрәҗәдә булырга мөмкин), идеяне гамәлгә ашырунәтиҗәсе буларак ирешеләсе социаль-икътисадый нәтиҗәләрне, шулай ук планлаштырылган чыгымнарны, ресурсларны, төбәкне, идея лидеры һәм аның командасы турындагы мәгълүматны (булган очракта) һ. б. тасвирларга. иң яхшы идеяләрне ил җитәкчелегенә быел июл аенда форумда тәкъдим итәчәкләр! Форумның максаты-ил үсешенә һәм үсешнең милли максатларына ирешүгә зур өлеш кертәчәк 100 көчле идеяне сайлап алу һәм гамәлгә ашыру.