МХО зонасына мотоцикл җибәргәннәр

Хәйбулла районы халкы махсус хәрби операция зонасына якташларына чираттагы гуманитар конвой җибәргән.

Район хакимияте башлыгы Рөстәм Шәрипов хәбәр иткәнчә, барлык әйберләр дә хәрбиләрнең соравы буенча җыелган.

Әле исә бу "гуманитарка" юлга чыккан. Яугирләргә якын арада төзелеш кирәк-яраклары, төрле материаллар, дарулар, гигиена чаралары, күчтәнәчләр, шулай ук күчмә мунча һәм штурм вакытында алыштыргысыз ярдәмче булган «эндуро» мотоциклы барып җитәчәк. 

Чыганак: Башинформ.