Ник песиләр судан курка?

Йорт песиләре -Төньяк-Көнчыгыш Африкада яшәүче кыргый Нубия (булана) мәчесе токымы. Ул эре сулыклардан еракта, ярымчүлләрдә һәм чүлләрдә тереклек итә. Су аның өчен гадәти түгел, шуңа да ул аңардан курка һәм инстинктив рәвештә суга эләгүдән кача.

Күпчелек йорт мәчеләрендә суга карата шундый мөнәсәбәт сакланып калган. Әмма кайбер мәче популяцияләре бу куркуны җиңә алган. Мәсәлән, Ирландия диңгезендә урнашкан Мэн утравының мәчеләре судан курыкмыйлар һәм алар анда рәхәтләнеп балык тоталар.

 

Фото: Pinterest