Зумер, бумер, миллениал: кайсы буын мәхәббәттә иң бәхетлесе?

Мәхәббәттә иң бәхетле буын — миллениаллар булып чыккан. Алар шәхси тормышыннан канәгать булуы турында, X буыны, Z буыны һәм беби-бумерлар буыны вәкилләренә караганда, ешрак әйтә. Бу турыда Ipsos халыкара компаниясе тикшеренүе мәгълүматлары аналилитикасыннан күренә.

Шулай итеп, миллениалларның якынча 65%ы үзенең мәхәббәт һәм интим тормышыннан канәгать булуын белдергән.

Чагыштыру өчен: X буыны вәкилләре арасында мондыйлар якынча 59–60%, Z буынында — 57%, ә беби-бумерлар арасында — нибары 55%.

Шул ук вакытта үзен яратылган итеп тоючылар саны барлык буыннарда да якынча бертигез булып чыккан.

Беби-бумерларның 79%ы, миллениалларның 77%ы һәм Z буыны вәкилләренең 76%ы үзләрен яратылган дип саный. Иң түбән күрсәткеч X буынында — сораштырылучыларның 75%ы үзен яратылган дип җавап биргән.

Тикшеренүдә 29 илдән якынча 24 мең кеше катнашкан.

Сораштыру онлайн рәвештә 2025 елның 24 декабреннән 2026 елның 6 гыйнварына кадәр үткәрелгән. Төгәлсезлек якынча 3,5 процент пункты тәшкил итә

Фото: ru.pinterest.com.