60 яшендә бәбиләгән

Биология фәннәре кандидаты һәм РУДН хезмәткәре, үзендә табылган шешкә карамастан, 60 яшендә өченче баласын тапкан. Бу хакта  Мәскәүнең сәламәтлек саклау департаментына сылтама белән MSK1.RU хәбәр итте .

Марина К. картаюны өйрәнә, шуңа күрә күкәй күзәнәкләрын 2010 елда ук саклауга куйдырткан. 15 елдан соң ул ярдәм сорап Щербинкадагы хатын-кызлар сәламәтлеге үзәгенә мөрәҗәгать иткән.

Хатынның өченче баласы булган бәбиен 30 июльдә Мәскәүнең «Коммунарка» күп профильле клиник үзәге белгечләре кабул иткән. Аңа кадәр табиблар тикшерү уздырган һәм ЭКО программасының этабы - эмбриотрансферга рөхсәт биргәннәр. Йөклелекнең 38 нче атнасында баланы ярып алганнар. Операция барышында табиблар шулай ук ананың шешен дә кисеп алган.

Безгә анага һәм балага ныклы сәламәтлек телисе генә кала!