Бүген астрологларыбыз ниләр вәгъдә итә?

Кучкар (21 март – 20 апрель)
Утынның корысына очкын төшсә, ни була — сезнең кәеф булмаганда, кул астына эләккән кеше белән дә шулай була. Бер кабынсагыз, туктатып булмый. Иң мөһиме — бу вакытта яныгызда “суытып” торучы кешеләр булсын.

Үгезбозау (21 апрель – 20 май)
Үгезбозаулар өчен иң авыр көрәш – диванда ятып хәл җыю теләге белән бераз хәрәкәтләнергә мәҗбүрлек арасындагы көрәш. Бераз ихтыяр көчен күрсәтсәгез, өй дә җыештырылыр, үзегезне дә тәртипкә китерерсез.

Игезәкләр (21 май – 21 июнь)
Сезнең баштагы уйлар интернеттагы кебек: 25 уй, 40 фикер, 3 яңа проект. Берсен булса да ахыргача җиткерү – зур җиңү булачак. Дуслар белән сөйләшү җиңеллек бирер: башта сез аларга, соңыннан алар сезгә ярдәм итәр.

Кысла (22 июнь – 22 июль)
Йөрәгегез йомшак, ә фикерләрегез җитди. Хыялны чынга ашыру өчен бөтен ысулларны кулланасыз, ләкин барып чыкмый. Бәлки, йөрәкне тыңлап, күңел кушканча эшләргәдер? Үз холкыгызны барыбер җимерә алмыйсыз.

Арыслан (23 июль – 23 август)
Эштә дә, өйдә дә сезне тыңлаячаклар, күзәтерләр, хәтта сер итеп киңәш тә сорарлар. Әмма «супергерой» режимына күчмәгез: ял да кирәк. Сөйгән ярыгыз белән мөнәсәбәтләрне җылыту өчен “яратам” сүзләрен жәлләмәгез.

Кыз (24 август – 23 сентябрь)
Планлаштыруны яратасыз, әмма тормыш: «План? Ә нинди план?» – дип көтелмәгән бормалы юллар ясап куяр. Борчылмагыз – сез барыбер барысын да җайлап чыгарсыз. Сәламәтлегегезгә игътибар итегез: артык күп кофе файдага түгел.

Үлчәү (24 сентябрь – 23 октябрь)

Бөтен төрле аралашуда тигезлек саклагыз. Үзегезне башкалар белән чагыштырмагыз: сезнең үзегезгә генә хас сөйкемлегегез һәм матурлыгыгыз бар һәм ул кабатланмас.

Чаян (24 октябрь – 22 ноябрь)

Күңелегездә берничә тавыш яңгырый, бер яктан йөрәк икенче яктан акыл “кычкыра”. Сезгә әлеге тавышлардан берсен генә аерып алырга туры киләчәк, чөнки бер үк вакытта ике юлны сайлап булмый.

Укчы (23 ноябрь – 21 декабрь)

Куелган максатлар инде офыкта күренә башлады, шуңа тизлекне арттырырга кирәк. Ләкин артык каушарга да ярамый, тынычлык та кирәк. Яңа идеяләрне кабул итүгә дә ачык булыгыз.

Кәҗәмөгез (22 декабрь – 20 гыйнвар)

Йортта тынычлык һәм мәхәббәт булсын өчен, тырышлык куярга сорала. Сүзләр һәм гамәлләр белән яратуыгызны күрсәтегез. Бу атнада гаилә белән вакыт үткәрү бик мөһим.

Сукояр (21 гыйнвар – 18 февраль)

Яңа белемнәр һәм күнекмәләр өйрәнүгә вакыт табыгыз. Белем — күңелне нурландыручы һәм күп кенә яңа юллар ачучы чыганак. Дуслар белән аралашудан да качмагыз: алар сезгә яңа юнәлешләр бирәчәк.

Балык (19 февраль – 20 март)

Үзегезгә ышаныгыз һәм төпле аяклар белән алга атлагыз. Кечкенә мәсьәләләрне дә игътибарсыз калдырмагыз: алар да тормышның бер өлеше. Тынычлык теләсәгез, табигатьтә вакыт үткәрегез.

Фото: sur.ly.