Бүгенгә астрологларыбыз фаразы: Сезне зур үзгәрешләр көтә

Кучкар (21 март – 20 апрель)

Халык юкка гына “Үз-үзеңне яратмасаң, беркем яратмас,”- димәгән. Бу ялларда сезгә өй эше үз-үзеңне мактарга, үз-үзең белән сокланырга һәм горурланырга өйрәнергә кирәк.

Үгезбозау (21 апрель – 20 май)

Әгәр дә сез нәрсәдер үзгәртү өчен ишарә көткән булсагыз, менә ул мөмкинлек! Барлык башлангычлар өчен уңай чор башлана. Сезне бөтен җирдә уңыш һәм бәхет көтәр.

Игезәкләр (21 май – 21 июнь)

Иң куркыткан әйбер ул – намус. Кеше сүзен онытып була, намус үзе турында онытырга бирми. Аның белән бәхәскә кермәс өчен, намус белән бергәләп эш итегез. 

Кысла (22 июнь – 22 июль)

Акча ягы кыса башласа, яңа эш урыны яисә өстәмә керем юлларын эзләү өчен уңай чор. Тик иң мөһимен онытмагыз – өстәмә эш сезнең физик һәм рухи сәламәтлегегезгә зыян китермәскә тиеш.

Арыслан (23 июль – 23 август)

Шәхси тормышыгызга игътибар бирегез. Эш ягыннан барысы да яхшы, димәк сөйгән ярыгыз өчен күбрәк вакыт табарга мөмкин. Бергәләп ял итү, чараларга барып кайту, мөнәсәбәтләрне җылытыр.

Кыз (24 август – 23 сентябрь)

Сезнең өчен тынычлык чоры башлана. Игътибар итеп карагыз: тирә-юнегездә барысы да акрыная башлар. Мәгънәсез ашыгулар, үпкәләшүләр артка китеп торыр. Бары тик сез һәм тынычлык кына.

Үлчәү (24 сентябрь – 23 октябрь)

Башыгызны кирәкмәгән уйлар белән катырмагыз. Алар сезнең көчегезне сарыф итәргә мөмкиннәр. “Нигә?”, “Кайчан?”, “Ә менә ни өчен?” шикелле сорауларны йоклар алдыннан чишәр өчен калдырыгыз. 

Чаян (24 октябрь – 22 ноябрь)

Сезне зур үзгәрешләр көтә. Алар җиңел яисә авыр юл белән килүе сезнең гамәлләрегездән тора. Ни генә булса да, әлеге үзгәрешләр яңа тәҗрибә алып киләчәк.

Укчы (23 ноябрь – 21 декабрь)

Сезгә тирә-юньдәгеләр зур таләпләр куярга мөмкин. Күбесе яхшы булса да, арада сезнең өчен туры килмәгәннәре дә булыр. Әлеге таләпләрне “акларга” тырышырга кирәкми.

Кәҗәмөгез (22 декабрь – 20 гыйнвар)

Максатларны яңарту чоры. Үткәндәге тәҗрибәләрне, вакыйгаларны барлап, үзегезнең карашларыгыз үзгәргәнен сизәргә мөмкинсез. Ә карашлар үзгәрү, максатларны үзгәртүгә дә йогынты ясый.

Сукояр (21 гыйнвар – 19 февраль)

Якын арада моңарчы сезгә таныш булмаган эшкә тотынырга кирәк булуы мөмкин. Әлеге эш сездә әлегә ачылмаган сәләтләрне уятыр. Зирәклегегез һәм сәләтегез белән эшнең асылын тиз аңларсыз.

Балык (20 февраль – 20 март)

Барысы да сез теләгәнчә эшләмиләрме? Бәлки кешедән көткәнче, үзегезгә эшкә тотыныргадыр? Мең тапкыр “уфылдаганчы”, бер тапкыр үзегезгә эшләп куярга һәм тынычланырга җиңелрәк.

Фото: “Башинформ”, Валерий Шахов.