Эшли генә башлыйбыз, атна бетә дә

Тагын кыска эш атнасы көтә.

Башкортстанлыларны март аенда ике кыска эш атнасы сөендерер.

Республикада, бөтен Русиядәге кебек үк, ике кыска эш атнасы рәттән көтә. Быел март аенда Башкортстанда яшәүчеләр Халыкара хатын-кызлар көне уңаеннан ял итеп эшкә чыкты. Тиздән Ураза бәйрәме уңаеннан да дүрт көнлек эш атнасы көтә. Беренче атна - 10-13 март көннәрендә булды.

Икенче атна - 16-19 март көннәрендә. Ураза бәйрәме быел 20 мартта, җомга көнне билгеләп үтеләчәк. Дүрт көнлек эш атнасыннан соң өч : 20, 21 һәм 22 март ял көннәре була. Моннан тыш, пәнҗешәмбе, 19 март, бер сәгатькә кыскартылачак, чөнки ул бәйрәм алды эш көне!