“Мәңгелек аваз” кайтавазы

Тарих эзләре буйлап йөреп була.

“Мәңгелек аваз” фильмының күп өлеше Башкортстанда төшерелгән булуын беләсездер инде. Менә шул Урмантау авылында туып-үскән ханым туган авылы тарихын саклап, күбрәк кешеләргә матур тарихи мизгелләр бүләк итәргә булган. Урмантау кызы – Элина Ямгурова шулай яңа туристик юнәлеш тапкан. Ул «Мәңгелек аваз»ны төшергән урыннарда глэмпинг булдырган.

Салават районында төзелгән объект Урмантау авылының матур тирәлегендә урнашкан. Кунаклар карамагында - уңайлы йокы урыннары, тулы кухня, сауна, санузел һәм мангал зонасы. Локациянең төп “үзенчәлеге" – аның кинематографик үткәне. Нәкъ менә монда Совет чорында атаклы сага төшерелгән.

Глэмпинг территориясендә кафе һәм килүчеләр өчен автостоянка төзү дә эшкуарның планнарында бар. Димәк, бик тә уңайлы булырга охшаган.