Тел бистәләре кайда яши?

Бүгенге көндә “бытбылдыклар” белән хәтта тел белгечләре һәм психолингвистлар да тирәнтен кызыксына һәм өйрәнә. Мәсәлән, төрле ил халыкларының сөйләм аерымлыкларын өйрәнгәннән соң алар «иң тиз сөйләүчеләр – французлар» дигән фикергә килгәннәр. Чөнки алар бер минут эчендә 350 сүз (!) әйтәләр икән. Алар артыннан японнар бик тиз сөйләшүчеләрдән исәпләнә: минутына – 310 сүз. Аз сүзлелелекләре белән даны чыккан инглизләр алардан калыша: минутка нибары 210 сүз әйтеп өлгерәләр.

   Ә менә полинезиялеләр иң аз сөйләшүчеләр булып чыга: минутына 50 генә сүз әйтәләр Әмма ул сүзләр бик тә озын сүзләр.

   Кайсы халыкның сөйләшкәндә кул хәрәкәтләрен күбрәк куллануын да өйрәнгән белгечләр һәм шуны ачыклаганнар: финнар минут эчендә бер генә кул хәрәкәте кушып сөйләшсәләр, итальяннар минут эчендә – 50, французлар 120 кул хәрәкәте ясап өлгерә икән. Бу яктан рекорд куючылар — Мексика халкы: бер минутлык әңгәмә вакытында да алар... 170 кул хәрәкәте  (!) ясарга өлгерә.

Фото: speakerclub.ru