Үзләрен-үзләре бик оста кайгырталар

Тиеннәр запасларын кайда яшерәләр?

Салкыннар башлангач, аюлар һәм байбаклар май туплыйлар һәм энергия сарыф итмәс өчен язга кадәр йокыга талалар. Ә менә тиктормас тиеннәр, киресенчә, активлаша һәм озын кышка азык запасы туплый.

 Бер тиен өч меңнән алып ун меңгә кадәр чикләвек яшерергә сәләтле, бу вакытта хайваннар яшәү урыннарына, ерткычларга һәм күршеләргә бәйле рәвештә төрле стратегияләрдән файдаланалар.

Тиеннәр барлык чикләвекләрне бер урынга җыярга мөмкин. Бер кеше дүрт атналык командировкада булганда, тиен 70 кг чикләвекне аның машинасының капоты астына яшергән. Тиеннәр гадәттә үз запасын берничә урынга бүлүне өстен күрә — мондый алым ышанычлырак. Зур булмаган яшерен урыннар күбрәк булган саен, җәнлек үзенең барлык запасларын берьюлы югалтмаячагына гарантия югарырак.

Тиеннәр запасларын кайда яшерәләр?

Хайваннар гадәттә чикләвекләрне агач куышларына салалар яки җиргә күмеп куялар. Чикләвекләрнең төрле төрләрен, кайда яхшырак саклануына карап, төрле тирәнлеккә күмеп куялар. Бер яшерен урынга тиеннәр чикләвекләрнең бер генә төрен сала. Моннан тыш, үзләренең кирәк-яракларын яхшылап тикшерәләр һәм сыйфатлы чикләвекләрне генә бозмыйча саклыйлар.

 Галимнәр ачыклаганча, тиеннәр азыкның сыйфатын бәяли һәм аны хәзер ашаргамы яки кышка запаска куяргамы дигән карар кабул итә. Алар чикләвекне тәпиләрендә тәгәрәтәләр, әйтерсең аның белән нишләргә дип уйлыйлар, ә чынлыкта аның бөтенлеген тикшерәләр һәм дефектларын эзлиләр.

Фото: