Яңа ел мәзәкләре

Тиздән Яңа ел! Иске хаталарыңны оныт! Яңаларга планнар кор!

**

Быел 1 гыйнварга каршы төндә кешеләр Яңа елны каршылаудан бигрәк иске елны сөенеп озатыр кебек...

**

Сезнең суыткычка да “Яңа елга!” дигән ризык урнаша башладымы?

**

-Ни өчен Яңа ел иң күңелле бәйрәм?

-Иске елны үткәрә алуыбызга шатланабыз.

**

Берәрегезнең өендә ашарга юкмы? Алайса бездә бар нәрсә дә -Яңа елга!

**

31 декабрьдә чыршы сатып алдым. Кулланучыларның хокукларын яклау законына ярашлы, туры килмәде дип, чыршыны 13 гыйнварда кире кайтара аламмы?

**

Узган елга нәтиҗә ясаганда, минем өчен ул бик уңышлы үткән: мин өйләнмәдем һәм ипотека алмадым.

**

Балаларыгызның Яңа елны өйдә каршылавын теләсәгез, үзегез берәр кая китегез.

**

-Хатыныңа Яңа елга нәрсә бүләк иттең?

-Таиландка путевка.

-Ә ул?

-Ул шунда очты.