Песиләр конкурсы үткән

2 июльдә Ирактагы Сөләймания шәһәрендә песиләр арасында ел саен оештырылучы матурлык конкурсы үткән. Конкурс йорт песиләренә игътибар җәлеп итүне үзенең төп максаты итеп куйган.
Чарада 200-ләп песи катнашкан. Беренче раундта иң матур песиләрне социаль челтәрләр аша тавыш бирү юлы белән сайлаганнар. Икенче раундта исә жюри эшкә тотынган. Катгый судьялар Гул Рана исемле кар сыман ап-ак песине фестивальнең беренче чибәре итеп игълан иткән.

Фото:vokrugsveta.ru