Иң озын гомерле кеше Бразилиядә яши

Бразилиядә яшәүче бер әбине туган-тумачалары дөньяның иң карт кешесе дип игълан иткәннәр һәм аны Гиннессның рекордлар китабына кертергә гариза бирергә җыенганнар.
Итаперун шәһәрендә яшәүче әлеге Деолира Глисерия Педро да Силва исемле әбигә 10 мартта 120 яшь тулган. Бүгенге көндә дөньяның иң карт кешесе итеп, Гиннесслар рекордлар китабына мәгълүматларын ярашлы, 116 яшьлек монах әби Ина Канабарро Лукас санала. Ул 1908 елның 8 июнендә туган. Ләкин, да Силваның туганнары әбинең туу турындагы таныклыгын тапканнар. Анда аның дөньяга килү вакыты 1905 елның 10 марты дип язылган.
Әлеге вакытта әбинең өч баласы исән-сау, аларның берсенә быел мартта 90 яшь тула. Белдерүләргә ярашлы, озын гомерле әби әле дә сәламәтлегенә зарланмый, ул музыка тыңларга, телевизор карарга ярата икән.
Әбинең озын гомерлелегенең сере нидә? Балансланган диетада һәм туйганчы йоклауда ди якыннары һәм табиб. Әбинең соңгы анализлары да бик яхшы булган: аңарда шикәр чире юк, кан басымы яхшы, карт кешеләргә хас булган башка төрле авырулары да юк.

Фото: rutube.ru