“Гәрәбә йөрәк” табылган

Мондый табылдыклар бик сирәк очрый.

 Калининград комбинатында Балтыйк буе гәрәбәсенең төп төрләре йөрәкне хәтерләткән бизәк хасил иткән таш тапканнар. Мондый табылдыклар бик сирәк очрый.

 “Гәрәбә йөрәк” – ак король, сары тонык һәм үтә күренмәле гәрәбә берләшүдән хасил булган. Ташның төсе дистәләгән миллион еллар элек формалашкан. Мондый контраст полосалы гәрәбә күренеше “пейзажлы” дип атала. Ташның авырлыгы нибары 19,42 грамм, зурлыгы 4×3 сантиметр тәшкил итә.

Калининград гәрәбә комбинаты белгеч-геммологы Анна Дугина бу хакта болай ди:

• Килеп чыккан комбинацияне сюрприз, табигать шаяртуы дип атарга

мөмкин. Нинди көчле процесслар нәкъ менә шундый сәер ярашуга китергәнен без, мөгаен, беркайчан да белмәячәкбез, ул, һичшиксез, формалашуның бөтен процессы 40-50 млн ел элек әле сыек, катмаган хәлдә узган. Нәтиҗәдә, катлам-катлам гәрәбәдән торган чын сокландыргыч күп катлы йөрәк – "мәхәббәт белдерү" килеп чыккан.

 2023 елда Гәрәбә комбинатының сортларга аеру мәйданчыгында тагын бер табигый шедевр – «елмая торган» асылташ тапканнар.

Фото: 2novosti.ru