Өйдә акча булсын дисәң...

Иң әһәмиятле һәм иң гади бер кагыйдәне истә тотыгыз: акча тәртипсезлекне яратмый. Иске әйберләр, тузан, чүп-чар, идәндә –носкилар, урындык аркасында  киемнәр— болар барысы да финанс агымын яба. Акча тәртип ярата! Һәм бу алар саклана торган янчыкка гына кагылмый. Кеше яши торган йортта тәртип булырга тиеш. Хаос хөкем сөргән җирдә байлыкка урын юк. Гаиләсенә байлык теләгән һәрбер хуҗабикә моны истә тотарга тиеш.

Җыештыруны  атнага бер тапкырдан да сирәгрәк башкарырга ярамый. Шул ук вакытта иске әйберләрне ташларга курыкмаска кирәк, бу очракта яңалары өчен урын булачак, яки аларны сатып алу өчен акча киләчәк.

Тышкы ишек янындагы келәмгә аеруча игътибар итегез. Өйгә байлык чакырып торган кебек, ул һәрвакыт чиста булырга тиеш. Йортны яки фатирны мөмкин кадәр ешрак җилләтергә кирәк. Бу торакны финанс агымнары белән тоташтыру мөмкинлеге булачак, алар биредә яшәүче гаиләне баетачак.