Ясалма акыл диагноз куя

Мондый табибка ышаныр идегезме?

Кытайда балалар хастаханәсендә диагноз куя торган ясалма фәһем барлыкка килгән. Программа 8 яшьлек малайда тиклар сәбәбен ачыкларга булышкан инде. Бу хакта «Комсомолськая правда» телеграм-каналы хәбәр итә.

«Яңа хезмәткәр»не, технологик компанияләр ярдәменнән башка гына, шул ук хастаханә эшләгәннәр. Ул 300дән артык белгеч белемен һәм күпьеллык медицина мәгълүматларын файдалана.

Пекинда кулланылучы бу ясалма фәһем-педиатр 1 ай сынау чорын узган, һәм хәзер бу технологияне башка хастаханәләргә дә кертеп карамакчылар.

Ә сез мондый табибка ышаныр идегезме?

Фото: economictimes.indiatimes.com