Җайланма уйлап тапканнар

Уфаның вузара кампусы галимнәре бетонның ныклыгын арттыру ысулын уйлап тапканнар.

   Алар углерод чималыннан графен корымы һәм углерод чималыннан турбострат графен алу өчен модернизацияләнгән җайланма эшләгәннәр. Бу материалны резина һәм пластик нигезендә яңа композитлар ясау өчен кулланырга мөмкин. Аеруча бу спорт инвентаре, цемент, битум, шулай ук шиннар һәм автомобиль корпуслары җитештерә торган тармаклар өчен мөһим.

   Графенны лабораториядә плазмохимик ысул белән синтезлыйлар, анда электр дугасы 4500-5000 °C температуралы плазма барлыкка китерә (чагыштыру өчен: кояш өслегендәге температура – 5600 °C чамасы). Мондый шартларда углерод чималы атомлаша һәм атомнар графен структурасын формалаштыралар. Җайланманың уникаль булуы аның бер ел эчендә өч патент алуы белән расланган.

   Шунысы кызык, Райс Университетында, профессор Джеймс Тур кул астында, шуңа охшаш җайланма өстендә дистәләгән белгеч эшли. Ә УДНТУ лабораториясендә нибары биш кеше эшли. Алда әле материалның сыйфатын яхшырту, аны сынау һәм сәнәгатькә кертү буенча күп эшләр көтә.

Фото: belokatay.ru