Көлеп каршылыйк елны!

Музейда алагаем зур картина янында бер ир басып тора.

-Бик сокланып карыйсыз, Сездә бу әсәр нинди хисләр тудыра? - дип сорый аның янәшәсенә килеп баскан кеше.

-Менә уйлап торам әле, ким дигәндә ике чиләк буяу киткәндер моны ясау өчен...

**
-Сез ни өчен соңгы эш урыннан киттегез?

-Компания күчеп китте.

-Кая?

-Анысын миңа әйтмәделәр.

**

Вәли каратэ дәресләренең беренчесенә генә барды. Шуңа күрә хулиганнар каршында баш ияргә генә өйрәнде.

**

Иван-Царевич баканы үпте дә... тегесе яшь чибәр егеткә әйләнде... “Ата бака булган” дип уйлап куйды Иван-Царевич.

**

Вәт минем күршем ичмасам! 20 минут буе ирен аты-юлы белән сүкте, бер генә сүзне дә ике тапкыр кабатламады. Менә нинди ул тел укытучысы!

**

Мин эшлим,

Син эшлисең,

Ул эшли,

Без эшлибез,

Сез эшлисез,

Алар премия ала...

**

Ял көнне хатын белән обой карарга бардык. Ул көнне ЗАГС эшләгән булса, аерылышкан булыр идек.

**

Ертык джинсы, ертык футболка, ертык баш киеме. Тишек носкилар кайчан модага керә инде???

-Галия, әниеңә кияү кирәкмиме?

-Юк, без тегесен дә дөмектермәдек әле.

**

Бер ханым маршруткага керә дә шофердан сорый:

-Бу дуңгыз абзарында бару ничә сум тора?

-Һәр дуңгыз башыннан 45 сум, апасы.