Башкортстанда иң яхшы пилмәннәрне сайладылар

Бөре каласы бишенче тапкыр пилмән сөючеләрне җәлеп итү үзәгенә әверелде. Бу борынгы ризыктан чын күңелдән ләззәт алу өчен бирегә бөтен республикадан туристлар килде.

Иң тәмле пилмәннәрне һәм вареникларны профессиональ жюри — республиканың кулинарлар, рестораторлар һәм отельерлар ассоциациясе вәкилләре сайлады.

Ә аларга тамашачылар ярдәм итте. Өстәлләрдә-күптөрлелек хакимлек итте. Монда һәркем күңеленә хуш килгән ризык таба алу мөмкинлегенә ия иде. Төрле төстәге камырга төрелгән төрле ит фаршы... Табигый буяулар белән буялган ул пилмәннәр: петрушка, кишер, чөгендер суы.

Конкурсның максаты — Бөре пилмәннәренең фирма рецептын эшләп чыгару һәм аны брендлау. Хөкемдарлар билгеләп үткәнчә, кунакларга аеруча ошаган ризык рецептурасы Уфа рестораннары менюсына эләгергә мөмкин.

«Победа» гәзите сайты буенча Юлай НИЗАЕВ әзерләде.