Күңел дөньягыз ни хәлдә?

(Тест)

Түбәндәге сорауларга “юк”, “сирәк”, “кайчак”, “еш кына” кебек җавапларның берсен сайларга кирәк.

1. Хис-тойгылар өермәсендә еш каласыңмы?
2. Үзеңне уңайсыз тойган хәл-вакыйгалардан, аралашу канәгатьлек китермәгән кешеләрдән читтә булырга тырышасыңмы?
3. Эш-кылыкларың өчен танышларыңнан хуплау көтәсеңме?
4. Үзеңә әйләнә-тирәдәгеләр күзлегеннән чыгып карарга сәләтлесеңме?
5. Ялгыз калырга куркасыңмы?
6. Тормышыма үзем хуҗа түгел кебегрәк тойгылар борчымыймы?
7. Күңел төшенкелеге – көчсезлекнең бер билгесе, дигән сүзләр белән килешәсеңме?
8. Үзара мөнәсәбәтләрнең йөз процентка яхшы булуы мөмкинме?
9. Уратып алган дөньядан аерылып, үзеңне бөтенләй башка мохиттә яшәгән кебек тоймыйсыңмы?
10. Үз-үзеңә ошамаган чакларың буламы?
11. Депрессиягә биреләсеңме?
12. Кешелеккә миннән ни файда, кебек уйлар миеңне борауламыймы?
13. Танышларың синең турда начар фикердә кебек түгелме?
14. Кеше белән аралашудан качасыңмы?
15. Ачу саклыйсыңмы?

Җавапларга баллар куегыз: “юк” -1, “сирәк” -2, “кайчак” – 3, “еш кына” -4. Ә хәзер балларны саныйк.

20 һәм аннан азрак. Сез бик акыллы, һәр нәрсәне төптән уйлап эш итәсез. Ләкин Сезгә ниндидер үзенчәлек, чагулык җитешми түгелме?

20-30. Сәламәт рухлы, тыныч кеше. Шулай да зирәгрәк булу комачауламас.

30-45. Икеләнүләрдән йончыйсыз, тормышыгыздан канәгатьлек кичермисез. Бар яклап та камил кешеләр булмавы белән, ниһаять, килешергә вакыт. Үзегезнең яхшы сыйфатларыгызны күрсәтергә тартынмагыз.

45-60. Бар нәрсәне дә йөрәгегезгә артык якын кабул итәсез. Күңел дөньягызга байкау ясап, яшәү рәвешенә үзгәрешләр кертергә кирәк.