Пилоткалы юмор

Гитлер юләрләр йортына килгән. Бөтен пациентлар да коридорда тезелеп, уң кулларын күтәреп, "Хайль Гитлер!" кычкырган. Шеренга яныннан үткәч, караса иң ахырда бер кеше кулын күтәрми басып тора иккән.

-Син нигә мине сәләмләмисең? – дип сораган Гитлер.

-Мин юләр түгел бит, санитар, - дип җавап биргән тегесе.

**

Футбол. Русия-Германия. Исәп - 0:3. Кәефе кырылган ветеран трибунадан кычкыра: 
- Без аларны Мәскәү янында да,Сталинградта да кыйраттык. Берлинны алдык! Ә сез нишлисез?!
- Әй, бабай, ул чакта тренер башка булган шул...

**

Сталинның кабул итү бүлмәсе янында маршал Жуков аудиенция көтә. Ниһаять, аны  кабинетка үткәрәләр. Күпмедер вакыттан соң ул үзалдына мыгырдана-мыгырдана чыгып китә:

-Мыеклы кабәхат! Илне нинди көнгә төшерде!

Аның сүзләрен Поскрёбышев ишетеп кала һәм Сталинга җиткерә. Сталин Жуковны чакырта. 
- Иптәш Жуков, “мыеклы кабәхат” дигәндә Сез кемне күз уңында тоттыгыз? –Гитлерны,әлбәттә, иптәш Сталин!

Сталин Поскрёбышевка таба борыла.

- Ә Сез кемне күз уңында тоттыгыз, иптәш Поскрёбышев?

**

-Сугышта дошманнан да куркынычрак берәрсе була аламы?

-Була ала: ахмак командир!

**

Бер "Мерс" "Ока" ишеген сыдырта."Ока"дан йодрыкларын төйнәп кычкыра-кычкыра карт ветеран төшә.  "Мерс"тан аның каршысына яшь егет килеп чыга һәм картка сугып җибәрә.

-Тавыш куптарма, картлач! Минем фамилиям Гельцер! Минем әтием судья...
Ачуы чыккан карт кире машинасына утыра да тизлек белән "Мерс"ка китереп бәрә.

-Мин сугыш вакытында танкларга каршы таранга бардым. Бүген миңа ниндидер немец сугып торамы?!

Гельцер бита тоткан килеш сүгенә-сүгенә машинасыннан төшә. Шулвакыт читтәге эскәмиядә утырган  яшь егетләр аның каршына килеп баса.  Берсе бер сугуда “текә малай”ны сузып та сала. 

-Сез кем? – дип аптырап кала ветеран.

-Партизаннар, без, бабай, партизаннар...

**

Фото: gas-kvas.com