Беренче тапкыр катнашалар

Тарихта беренче тапкыр  "Галәм кызы - 2024" бәйгесендә Сәгуд Гарәбстаны кызы катнашачак. Руми әл-Катани исемле бу чибәр кыз 27 яшьтә, һөнәре буенча теш табибы, блогер, модель. 

"Галәм кызы" бәйгесендә катнашу минем өчен дәрәҗә. Сәгуд Гарәбстаны әлеге бәйгедә беренче тапкыр катнашачак", - ди Руми.

Бәйгенең финалы Мексикада сентябрь ахырында үтәчәк.

Ислам кануннары ныклап өстенлек иткән илнең әлеге бәйгедә катнашырга карар итүе гаҗәп. Хәер, хәзер бу илдә хатын-кызлар гел генә пәрәнҗә ябынып утырмый. Алар югары белем алалар, дәрәҗәле эшләрдә эшлиләр, машина йөртәләр, инде менә гүзәллек конкурсларында да катнашырга җөрьәт итә башладылар. Хәерле булсын!