Көз, чын көз бу...

Һава торышыннан ниләр көтәргә?

Быелгы көз безне җылы яңгырлары, кояшлы көннәре белән озак иркәләде.  Мондый якты ноябрь күптән булган идеме?

Инде “көз – кияүләр холкы” дигәнгә якыная бугай, һава торышы бозылмакчы. Бу хакта синоптиклар хәбәр итә.

Бүген, ягъни җомга көнне, көндез дә, урыны белән көчле, яңгырлар көтелә.

Җил көньяктан, көньяк-көнчыгыштан талгын исә. Аерым районнарда көчәя. Һава температурасы  +2, +7°.

Шимбә, 11 ноябрьдә,  бераз яңгыр явачак.  Көнчыгыш районнарда карлы-яңгыр көтелә.

Җил төньяк-көнбатыштан, төньяктан, аерым районнарда көндез көчле җил исүе көтелә.

Термометр баганалары көндез һәм төнлә 0, +5° күрсәтер.

Якшәмбедә, ягъни, 12 ноябрьдә, урыны белән яңгыр, карлы-яңгыр көтелә.

 Җил төньяк-көнбатыштан, көнбатыштан  талгын. Һава температурасы төнлә  -3, +2°, көндез 0, +5°.

Фото: ru.pinterest.com