Туй йолалары. Искә төшерүме, көн кадагына сугамы?

Килен булып төшкәндә икмәк тешнәдегезме, кызлар? Ә бу кызыклы фотоны күргән идегезме. Кем ул?

Ульянда Туй йолалары белән кызыксына башлаганнар, анда

 «Сембер татар-мишәрләренең туй йолалары» дигән семинар узды.

Ульян шәһәренең Татар мәдәният үзәгендә төбәк районнарында эшләп килүче мәдәният хезмәткәрләре, китапханәчеләр өчен «Сембер татар-мишәрләренең туй йолалары» дигән семинар узды. Бу хакта Ульянда чыгып килүче безнең адаш гәзит - «Өмет» телеграм-каналында хәбәр итә.

Татар мәдәният үзәге хезмәткәрләре семинарда катнашучыларга килен төшерү, кияү каршылау, кыз урлау, кыз елату йолалары турында сөйләгән.

Ульянның Татар мәдәният үзәгендә халкыбыз җәүһәрләрен - йолаларын, фольклорын, милли киемнәрен саклап калу һәм яшь буынга өйрәтү, яңадан сәхнәгә чыгару буенча зур эш алып барыла, диелә хәбәрдә. Нәтиҗәсе булсын!