Бүген төнлә йолдызлар яңгырын күзәтә аласыз

13 августта таң алдыннан республикада яшәүчеләр елның иң якты метеор агымын күрә алачаклар. 

Уфа шәһәре планетариеның матбугат хезмәтендә әйтүләренчә, иң танылган метеор агымы - Персеидалар - ел саен 17 июльдән 24 августка кадәр күзәтелә. Бу юлы Персеида максимумы 13 август таңы алдыннан көтелә. "Бу, мөгаен, күзәтү өчен иң кулай метеор агымыдыр - җылы караңгы август төннәре болытсыз да булса, күк йөзен озаклап күзәтү бик уңайлы",  - дип билгеләп үттеләр планетарийда.

Персеидаларның максимумы вакытында уртача 80-100 метеор (йолдыз атылуы, йолдызлар яңгыры дип тә әйтәләр) күзәтелә. Быел иң югары ноктада агым сәгатенә 100 метеор бирер дип планлаштыралар. Ләкин, әлбәттә, күренгән метеорлар саны күзәтү шартларына бәйле булачак. Аларның максималь саны күк кап-караңгы һәм аяз булганда (шәһәр читендә), һәм радиант офык өстендә биек булганда (таң алдыннан) күзәтеләчәк.

Быел Ай Персеида максимумын күзәтүгә комачауламас диярлек. Ул төнлә сәгать икенче яртылар тирәсендә күтәреләчәк, ләкин яңа ай янында  (16 августта) бик тар урак формасына охшаячак һәм күктә зур яктылык булдырмаячак. Персеидаларны 24 августка кадәр башка төннәрдә дә күрергә мөмкин. Сез аларны төне буе күзәтә аласыз, чөнки радиант (агымның нуры) безнең киңлектә урнашмаган, шуңа ул кичен үк офык өстендә күренеп тора, таң алдыннан бик биек күтәрелә, шуңа күрә "атылган йолдызлар" күктә күренеп тора да инде.

Чыганак: bashinform.ru