Җәйге ял анекдотлары

Отпусктан соң эшкә чыктым. Үземне балалар бакчасындагы сабый кебек тоям– елысым һәм өйгә кайтасым килә!

**

–Я ничек отпуск? Тагын Төркиядәме?

–Кирәге бар иде Төркиянең. Үзебезнең Башкортстан табигатеннән дә матуррагы, ямьлерәге бармы соң?!

–Ипотека алдыгызмыни?

–Әйе...

**

Отпускта ял итү шулкадәр рәхәт! Телим –җыештырам, телим–юам, үтүклим. Ә теләсәм чыгып китәм дә утыйм, су сибәм, чокыйм, казыйм...

**

–Белмисеңме, быел кайда очсызга гына ял итеп була ул?

–Беләм.

–Кайда?

–Өеңдә диваныңда.

**

Безнең коллективтан бер директор гына ялга китте, әмма бөтен коллектив ял итә.

**

Хөрмәтле русиялеләр! Туган илегезне саклагыз – чит илдә ял итегез!

**

–Отпускыңны кайда үткәрдең?

–Өч көнен тауларда.

–Калганын?

–Гипста..

**

Ир белән хатын ялга әзерләнә .

–Балаларны әниләргә кайтарырбыз.

–Эт белән тутыйкошны апага биреп торырбыз.

–Песине күрше алып торса...

–Фатирда шундый тынычлык урнашачак! Ял итәргә каядыр барып торасы да юк!

**

Турагентлыкта эшлим. Ял итәргә киткән турист смс яза. “Безгә Төркиядә шундый ошый! Рәхмәт!” Менә уйлап утырам. “Сез– Египетта!” дип җавап язаргамы-юкмы?..

**

Сул күзем яңа гына тартышмый башлады. Ә отпуск беткән дә...

**

Салым инспекциясенә бер ир килә.

–Әйтегезче, миңа кайчан отпуск алырга рөхсәт?

–Сез бездә эшләмисез бит.

–Сездә эшләмәсәм дә, сезгә генә эшлим!

**

–Быел кайда ял итәргә булдыгыз?

–Без хатын белән акчаларны санап карадык та быел бөтенләй арымаганлыгыбызны аңладык.