Әләзән - милләтебезнең киләчәге, бишеге булырмы?

Яңа мәктәп кирәк!

Пенза өлкәсенең Урта Әләзән авылында 2016 елдан бирле шәхси мәктәп эшли.

Җәйге ялда балалар монда лагерьга йөри, өстәмә белем ала. Башка уку йортларыннан аермалы буларак, биредә, мәктәп программасыннан тыш, татар һәм гарәп телләрен укыталар, дин дәресләре бирәләр. Дин һәм дөньяви фәннәрне укыта торган уникаль проект бу, узган гасырның данлыклы мәдрәсәләре моделендә эшли. Хәзер монда 132 бала белем ала. Балалар бинага сыймау сәбәпле, татар җәмәгатьчелеге яңа бина төзергә хыяллана.

Әйткәндәй, Әләзән авылында бүгенге көндә 14 мәчет эшли!

Фото: Бөтендөнья татар конгрессы