Бишектән алып ләхеткә кадәр...

Укырга, өйрәнергә беркайчан да соң түгел.

 Русия Хөкүмәте  “Мәшгульлеккә ярдәм” федераль проекты кысаларында халыкка белем бирү программасы буенча бушлай укыту өчен 2, 5 млрд сум бүлде. Бу акчалар хезмәт базары өчен кирәкле кадрлар әзерләүче оешмаларга грантка бүленәчәк.

“Мәшгульлеккә ярдәм” федераль проектында 50 яшьлек һәм аннан өлкән  хатын-кызлар, яшь балалы әниләр, 35 яшькә кадәр аерым категория кешеләр, эшсезләр, эштән бушатылу алдында торган хезмәткәрләр, Украина качаклары катнаша ала.

Педагог, веб-дизайн белгечләре, мәктәпкәчә яшьтәге белем бирү педагоглары, персонал белән эшләү белгече, бухгалтер, социаль хезмәткәр, педагог-дефектолог, фармацевт, пешекче, броньләү буенча агент, хезмәт иминлеген саклау өлкәсе белгечләре аеруча популяр.

Әлеге вакытта башкортстанлыларга  100 артык укыту программасы эшли.

Укыту операторлары –  һөнәри осталыкны арттыру Агентлыгы белгечләре (Ворлдскиллс Русия), Томск дәүләт университеты һәм РАНХиГС.