Яңа елдан бәхет көтсәгез

Яңа ел йортыгызга иминлек, муллык һәм бәхет алып килсен дисәгез, түбәндәгеләрне ЭШЛӘРГӘ киңәш итәбез.

*Бәхет чиста һәм пөхтә йортка килә, бәйрәм алдыннан өегезне җыештырырга, тәртип урнаштырырга онытмагыз.

*Мунча яки саунага бару да яхшы гадәт.

*Яңа ел төнендә ишек төбегезгә берәр хайван килеп баскан икән, аны кертергә кирәк. Шул рәвешле бәхет өегезгә керергә тели дигән ышану бар.

*Яңа елда акчалар күпләп килсен өчен искесендә бурычлардан арынырга кирәк.

Ә боларын 31 декабрьдә ЭШЛӘМӘВЕГЕЗ хәерлерәк булыр.

*Узган елга бәйле хәтирәләргә бирелеп еларга, боегырга кирәкми.

*Чәч, тырнак кисәргә, кырынырга кирәкми. Юкса, уңышыгызны кисәрсез, ә хатын-кызлар чибәрлеген югалтыр.

*Бурычка акча алырга һәм бирергә ярамый. Ә менә хәер эстәүченең яныннан узганда тиен акча биреп китү яхшы булыр.

* Аяк киемен ремонтларга ярамый. Яңа елың искедә үтәр.

*31 декабрьдә өй җыештырырга, идән себерергә ярамый. Бәхетеңне себереп чыгарасың.