Иртәнге көлке терапиясе

–Миңа кредит кирәк иде. 500 мең.

–Әлбәттә! Ә нинди максатка?

–Дәваланырга.

–Ой, беләсезме, банк өчен чирле кешегә акча биреп тору бик зур риск бит...

–Минем сезнең банктан 25 елга алган 6 млн сумлык ипотекам да бар. Бәлки ныклабрак уйларсыз?

**

–Әни, син борылма, әле мин дәваханәдә...

–Син 8 ел табиб булып эшлисең бит инде, сөйләшүне шушы җөмләдән башлавыңны кайчан туктатасың?

**

Җитди мәсьәлә:

Пеләш кешеләр башларын шампунь белән юарга тиешме, әллә сабын беләнме?

**

Интернет аша танышкан егетемә хат язышырга тәкъдим иттем. Борынгыча кәгазь хатларны конвертка салып юлларга...

Озак кына эндәшми торгач, ул миннән:

–Дөресен  әйт, син төрмәдә утырасыңмы? – дип сорады.

**

Кибеттә:

–Ике сум карамыйсызмы?

–Яра, күрсәтегез!

**

Генетиклар күпме генә тырышсалар да, ни өчен түрәләрдә генә миллионер балалар тууын аңлата алмый ди...

Фото: ачык чыганак