Киемгә ябышкан сагызны нәрсә бетерә

Вак-төяк киңәш-табыш...

*Ике атнага бер тапкыр җылымса суга 6–7% аш серкәсе салып, суыткычны сөртеп торсаң, анда бернинди тәмсез ис тә булмаячак.

*Спорт киемнәрен юганда да аш серкәсе төп ярдәмче. Кер машинасына 9 процентлы 100 мл аш серкәсе салсагыз киемдәге тәмсез исне бетерә, кер юу машинасына дезинфекция ясалыр.

*Аш серкәсе киемдәге тир һәм дезодорант эзен бик яхшы бетерә. Таплы урынга салып бераз тотсагыз, тапның эзе дә калмаячак. Ефәк тукымалар искәрмә булып тора.

*Чәйнек, су савыты, вазадагы юшкынны да бик яхшы бетерә.
Ирригатор белән кран авызы тишегендәге юшкынга сиптереп тотсагыз, бераздан юшкынны бик яхшы юып төшерәчәк.

!!!Шулай ук киемгә ябышкан сагызны да серкә ярдәмендә бетерергә була.

Фото: mobillegends.net