Кешенең ничә дусты булырга тиеш?

Төрле фәнни тикшеренүләрдән чыгып, галимнәр дуслык турында бик кызыклы саннар китергән.

* Без якынча берьюлы 150 кеше белән аралашып яшибез. Моңа тормыш иптәше, балалар, оныклар, туганнар, күрше-күләннәр, коллегалар, сыйныфташлар, дуслар керә.

* Һәркайсыбызның 1-2 генә, сирәк очракта 3 иң якын кешебез бар;

* Кеше якынча 5 мең кешене таный ала. Тик исемнәр һәм фамилияләр белән истә калдыру авыррак, күбебез 1500 кешене генә исемнәре белән белә.

* Тагын бер кызыклы факт: кеше белән чынлап дуслашып китү өчен 200 сәгать вакытны бергә үткәрергә кирәк икән.

* Дуслар саны турыдан-туры кешенең үзен ни кадәр бәхетле хис итүнә бәйле, имеш. Иң бәхетле кешенең 20ләп чын дусты булырга мөмкин. (Бәхетле кеше аралашучан була, һәм ачык кешегә башкалар да тартыла).

* Дуслар күбрәк булган саен яшәве күңеллерәк, дип ышандыра галимнәр. 

* Дуслар саны 30 яшькә кадәр арта, ә аннары кими башлый. Бигрәк тә балалар тугач, бер-бер артлы юкка чыгалар.

Бу фактлар белән сез килешәсезме? Фикерләр турында сез ничек уйлыйсыз?

Фото: vsebe24.ru